Biznesga birinchi qadam – seminar

Zamonaviy universitet faqat bilim bermaydi — ba’zida yo‘l ko‘rsatadi, ba’zida amaliy imkoniyatlar yaratadi, yana bir paytda esa sizni maqsadingiz sari yetaklaydi.

“UBS ACCELERATOR” — bu innovatsion g‘oyalarni qo‘llab-quvvatlashga qaratilgan yangi loyiha bo‘lib, unda ishtirokchilar o‘z biznes g‘oyalari va startaplari uchun investitsiyalar jalb qilishlari mumkin. Tadbirkorlikka qiziqqan yoshlar va startap asoschilari UBS Toshkent kutubxonasida yig‘ilib, biznesni boshlash asoslarini o‘rgandilar.

Loyiha UBS Startup Club jamoasi tomonidan muvofiqlashtiriladi va ular ishtirokchilarning g‘oyalarini hayotga tatbiq etishga to‘liq tayyor.

“Biznesga birinchi qadam” nomli seminar davomida ishtirokchilar quyidagi savollar bo‘yicha qimmatli ma’lumotlarga ega bo‘lishdi: “Biznes nima?”, “Startap biznes-reja qanday tuziladi?”, “Qancha budjet kerak bo‘ladi?” hamda “Investorlar oldida qanday tartibda taqdimot qilish kerak?”